مع احترامي لكل الكيانات السياسيه الموجوده في مصر بس اليومين دول بقيت حاجه تقرف جدا جدا مش عارف في ايه بظبط الناس كلها بقيت مهمتها الاولي تحارب 6 ابريل يا ريت الناس ده امن ولا حزب وطني لا دول بيتحسبوا علي المعارضه انا بقي بقولهم انا 6 ابريل انتوا مين انتوا كنتوا فين يوم 6 ابريل 2010 و2009 و2008 كنتوا فين في قضيه خالد سعيد كنتوا فين لما الناس كانت بتموت في ميدان لاظوغلي وشبرا ولما اتعلمت مسيرات وسط البلد وشارع شريف كنتوا فين ايام دومه وايام طارق خضر وفين وفين وفين ولو فضلت احسابكم مش هخلص انتوا عمركم كام سنه و6ابريل عمرها كما سنه خلاص انتوا كبرتوا وبقيتوا عاجزين ومش فاضيين غير لحرب وسخه وبس مش فاضيين غير للتنظير والهبل والعبط والكلام الفارغ بتقولوا انكم شويعيين فين بقي مبادئ الشيوعيه اللي انتوا بتادوا بيها ...
نفسي اعرف ايه تاريخكم في الشارع ايه القضيه اللي انتوا بتشتغلوا عليها ايه اللي بتعملوا في حياتكم غير طبعا الشتيمه وقله الادب وطبعا استقطاب الشباب ...
تاريخ 6 ابريل معروف ليكم ومعروف للعالم كله ومعروف للناس كلها لو حابين تعرفوه ممكن اقولكم ايه اللي احنا عملناه وايه اللي حضراتكم عملتوه ...
كلامي كلهه موجهه للمجموعه اللي خرجت من مركز افاق كل همهم انهم يحابوا 6 ابريل ويتهموهم بالعماله والكلام الاهبل ده ..
كلمه موجه لكام شخص منهم :
زياد حمدي
انت بتقول ان 6 ابريل 12 فرض ايون احنا 12 فرض فعلا بس تقدر تقول قوه 12 فرض دول ايه تعرف عملوا ايه ممكن ترجع بالزمن ل6 ابريل 2010 وتعرف 12 اللي انت بتتريق عليهم عملوا ايه وتقدر تراجع المظاهرات المفاجاه في الاحياء الشعبيه والمظاهره العلنيه اللي نظمتها 6 ابريل ان كانت لوحدها او معاها مجموعه تانيه زي (العداله والحريه ) يا راجل عيب عليك لما نكون احنا 12 فرض وانتوا اكتر مننا وانتوا قاعدين علي المكاتب تتفرجوا واحنا اللي شاغلين وبس ...انا بعتبر مركز افاق ده مجرد دار للمسنين اللي زيكم ..
مها الخضراوي
اتهامك ل6 ابريل بانها بتاخد تمويل وانها بتتعامل مع منظمات مشبوهه ده مجرد كلام اهبل خارج من انسانه تفكيرها علي قدها مجرد انسانه ماشيه علي مبدا خالف تعرف فاكره نفسها انها لما تحارب 6 ابريل الناس هتصقف ليها او ممكن نقول انها انسانه بتتحرك بريموت كنترول ومش عارف مين بقي اللي بيحركها ...
يا ريت تخليكي في نفسك وبلاش كلام الستات الفاضيه ده ويا ريت تدوري بس علي المكان اللي انتي شغاله فيه بياخد تمويل من فين وبيتعامل مع مين ..
في اشخاص تانيه بصراحه انا اكبر من اني اتكلم عليهم زي عصام محمد وكام حد تاني هو عارف نفسه ..
احنا ممكن نقعد نعمل مقارنه بينكم وبين 6 ابريل مقارنه بينكم كاشخاص وبين شباب في الحركه عمرهم السياسي لا يتعادي الشهور ونشوف هما عملوا ايه علشان القضيه وانتوا عملتوا ايه ...
توضيح هام جدا
كل الاحترام والتقدير للحركات السياسيه الموجوده في مصر وبالخصوص حركه العداله والحريه وكلامي كله موجهه لدار المسنين افاق والمجموعه الصغيره بتاعته وكل احترامي للشيوعيين اللي في اي مكان في مصر وبالاخص مجموعه الاشتراكيين الثوريين اللي انا سعيد الحظ ان كل اصدقائي منها وناس بحب وبحترمهم علشان هما بيشتغلوا بجد وعلشان القضيه مش علشان التنظير وبس ...
يا ريت بقي كل واحد يلم نفسه ويخليه في بلوته ويبعد عن 6 ابريل وعن الناس اللي شغاله فيها ..
المره ده نوت هادي جدا المره اللي جايه هيكون ردي صعب اوووي عليهم وبجد هيكون بفضايح وحاجات انا مش عاوز انشرها وهكون محترم وساكت ..
يشرفني اكون المعلق الوحيد علي النوت ده
ردحذفبس احب اقولك
عيب اوي كده يا حج سوكا
على الرغم من انك اخطأت فى اختيار مخارج المسطلحات حتى و لو هم شبه اعدائك فلا بد ان تكون انتا الأعز و لكن لديك حق فى وجهه نظرك بالنسبة للعدد فكثرة العدد لا تعنى كثرة الأثارة بالعمل بجدية و قلة العدد لا تعنى الفشل و الأستسلام
ردحذفاود ان الفت نظر هؤلاء بأن أرائهم فى منتهى التناقد فكيف يكونوا ممولين كما اضافوا ان حركة شباب 6 ابريل ممولين من هذه الجهه التى تثق بحركة من هذا النوع
عندك حق والله يا سوكا الحكايه بقت كوسه وكله عمل يهرتل بكلام مش فاهمه اساسا
ردحذفانت 6 ابريل طب طز كبير اوى
ردحذفمجموعة عيال سيس فى نظر الحكومة وفى نظر الامن وفى نظر اهاليكم
بقولك ايه بدل مانت فى معهد ومش عارف تنجح فيه روح اعمل حاجة لبلدك علشان اللى انت بتعمله ده يا حبيبى لعب عيال وعيال بريالة كمان
ويا ريت تاخد درس لغة عربية قبل متعمل حاجة تشتم من عليها ناس انت متعرفهمش اساسا
ارجوك يا استاذ سوكا انشر الحاجات دى علشان نعرف احنا بنتعامل مع مين
ردحذفزيي منتنشر حاجات ل 6 ابريل وسؤت سمعة الحركة وخلتهم يتكلموا عليكم انشر انت كمان الحاجات دى
ازيط ياسوكا يا سكسوكا يامسكسك
ردحذفTANIA Metal - The Tania Metal Wiki
ردحذفA metal band of three in a band black titanium ring of metal titanium white paint band, the Tania Metal band is often regarded as a titanium trim hair cutter reviews heavy metal band. They are microtouch trimmer very good at titanium dental a metal Tania Metal · TANIA Metal · TANIA Metal · TANIA Metal