امي الحبيبه اسماء محفوظ (لجزء الثاني)..

ده تاني نوت اكتب عن امي الحبيبه في ناس هتستغرب من اللي انا بعمله ده وفي ناس هتفتكر اني بمجد فيها لكن الموضوع مش كده خالص انا عن نفسي مش عارف ايه السبب وليه انا بكتب لتاني مره عنها وفي مده صغيره كده لكن انا جوايا حاجات كتير اوووي وعاوزه كل الناس تعرفها وعاوز الناس تعرف هي مين امي الحبيبه ...
اسماء محفوظ بنت لكن مش زي البنات العاديه بنت اهملت حياتها الشخصيه وكل حاجه علشان قضيه التغير قضيه خي مؤمنه بيها علشان كده هي نزلت الشارع انزلت عن انها تعيش زي البنات تحب وتتحب وتتجوز تخرج تتفسح ضحت بحاجات كتير اووووي في سيبل انها تحقق هدفها في انها تلاقي البلد ده كويسه ...
امي الحبيبه اسماء انا بحبها جدا ويمكن تكون اكتر انسانه في الدنيا بتحس بيا مش هكدب لو قولت انها بتحس بيا اكتر من اهلي اللي في البيت هي انسانه حنينه وطيبه جدا عاطفيه اوووووووي ويمكن من اكتر عيوبها انها عاطفيه زياده عن اللزم لكن ساعت كتير بتكون ميزه عطفتها اتجاه الامومه كبيره اووووي علشان كده انا بحسد نفسي انها اعتبرتني ابنها اللي مش مخلفاه لكن ابنها اللي بتربي زي ما هي نفسها تربي ولادها عمري ما حسيت انها تكون اي حاجه غير انها امي وبس مش عارف ليه رغم اني كل اللي حواليها كل لما يشوفها بيحبها وعاوز يرتبط بيها لكن شي الهي خلاني عمري ما حسيت باي مشاعر من اتجاهه غير مشاعر امومه وبس ..
لما كنت بكون مخنوق ومضايق واجي اتكلم معاها والقيها بتظبط عليا بحس بدفي وساعده وارتياح نفسي كبير يمكن السبب في كده اني مفتقد فعلا حنان الامومه وحنيه الام مقدرش انكر اني امي الللي ربتني وخلفتني حنينه اووووي بحبها اكتر من نفسي لكن برضو علشان سني الكبير بقي اهتمامها بيا قليل في الوقت اللي انا محتاجها فيها لكن لقيت اسماء محفوظ اللي جواها مشاعر امومه فياضه كلها بقت ليا لوحدي رغم انها بتعتبر كل الشباب الللي في السياسيه اللي سنهم صغير ولادها لكن انا الوحيد والحمدلله اللي بتعتبرني ابنها اللي من لحمها ودمها ..
بجد الحب اللي بيني وبين اسماء محدش يقدر يحس بيه غير الام والابن علشان كده في اشاعات تقول ده سوكا بيحبها وكلام تاني يقول اني بضحك عليها علشان عاوز فلوس منها اه انا بحبها جدا جدا واكتر من نفسي علشان هي امي وربنا وصي بالام وكمان انا و محتاج منها فلوس هي مش بتتاخر عليا وهي كمان لو محتاجه عمري ما اتاخرت عليها خالص اللي انا بقيت لاحظته ان كل اللي بيقول كده بيكون غيران مننا ووغيران مني ومن علاقتي بيها .
انا عاوز اقول للناس ده حاجه مهمه جدا ربنا اكبر من كل حاجه وربنا هو اللي خلق جوانا المشاعر ده هي محتاجه تكون ام ولقيت ابنها اللي بدور عليه بتربي زي ما هي عاوزه وانا محتاج لحنان الام وحضن الام الحنين ولقيته فيها ...
انسانه عندها 26 سنه وعندها الحنان والحب ده يبقي ده ربنا ميزها بالحاجات ده انسانه طيبه وحنينه لا يختلف عليها اتنين حتي اعدائها واللي مش بيحبها كرههم ليها علشان نجاحها في شغلها وفي العمل السياسي ...
اسماء ليها مواقف كتير اوووي معايا انا قولت حاجات كتير منها ولو فضلت اتكلم علي مواقفها اللي معايا محتاج 100 نوت علشان اعرف الناس جزء صغير من اللي بتعمله معايا ..
افتكر مواقفها معايا لما اتحبست ال 5 مرات ..
اول مره كان في 6 ابريل طبعا او حد كلمته اول لما خرجت كان هي حسيت بفرحتها اوووي لما سمعت صوتي وكمان لما قبلتها بعدها بكام يوم راح جابتلي شيكولاته ولقيتني خاسس قاعدت تدلعني ولا اكني ابنها اللي عنده سنه مش عنده 22 سنه ...
تاني مره كان في رمضان لما اتقبض عليا صحيت من النوم علي تليفون من خطيبها لقيته بيقولي الحق امك بتصوت من الصبح من ساعت لما عرفت انك اتحبست راحت مكلماني وكانت مخضوضه اووووي وحسيت كده في صوتها وقاعد تتكلم معايا وطمنتها بس فعلا حسيت بانها امي وخايفه عليا اوووي ..
تالت مره يوم 10/10 ولما اتحبست اتصلت بيها واول لما قولتلها انا في عربيه الترحيلات صوت في التليفون واتخضت واول مره القيها كده ولقيتها قلقانه اوي وقالتلي متقلقش هتخرج وكل الناس هتخرج وخالي بالك من نفسك وطبعا اللي عملته مع خطبها علشان تروح النقابه علشان الوقفه اللي بطالب بخروجنا
رابع مره يوم مظاهره العمال وعرفت اني اتمسكت بس كنت خرجت علي طول لقيتاه بتتصل بيا تقولي هو انت اتمسكت قولتلها اه قالتلي حرام عليك انا هموت بسببك كل يومين كده تتمسك حرام عليك امك وخالي بالك من نفسك بقي علشان خاطري طبعا ده غير اللي كانت بتعمله علي الفيس ...
اخر مره ده بقي كانت اجمد حاجه لانها جاتلي القسم لما اتمسكت وكانت مصممه انها تخش وتقولهم ابني محبوس ولازم اخش اطمن عليه الناس كلها مستغربه ازاي انا ابنها وبالطول ده كله وهي لسه صغيره ودخلت وقفت جنبي وفضلت ماسكه ايدي وبتقولي اطمن يا حبيب ماما انا معاك والقسم كله بيتفرج عليها وانا بقولها متقلقيش عليا يا امي والظباط بيتفرجوا علينا واحنا بترحل علي النيابه بتقولي للظابط خلي بالك من انبي ده حبيبي ومليش غيره الظابط بصلي وبص عليها ومردش وسكت قولتله ايون امي راح سكت ...
مواقف كتير بيني وبينها حاجات كويسه وحاجات وحشه بس الحمد لله عمر ما عدي اكتر من 24 ساعه واحنا زعلنين بس كان بيعدي وقت كتير اوووي من غير ما نكلم بعض ولا نسال علي بعد بس ده كان لظروف خارجه عن اردتنا بس عمرها ما هتتكرر تاني....
عمري ما هنسي انها كانت بتتخانق مع خطيبها علشان وعلشان تكلمني وتشوفني وكان ابن الكلب بيحرمني من ياني اكلمها واشوفها وكانت من اسباب انها تسيب خطيبها انه كان عاوز يحرمني منها ...
امي الحبيبه لقد اعطني الله نعمه كبيره وهي انتي يا امي سوف احتفظ بيكي داخل قلبي وعيناي سوف احفظ عليكي واصونك لان الله عز وجل وصي الانسان علي امه ...
ساقبل قدميك لان الجنه تحت اقدام الامهات ..
سكون بجوارك حتي لو كلفني الامر حياتي كلها فحياتي كلها فضي لحظه سعاده واحده ..
ابتسامتك تنير لي حياتي كلها ..
عمري ما هقدر ازعلك لان الله قال (( ولا تقل لهم اف ولا تنهرهما وكل لهما قول كريما ))
بجد ربنا يخليكي ليا وبشكر ربنا علي وجودك جنبي ووجودك معايا وعاوزك تسمحيني علي اي حاجه ويكون قلبك راضي عني علشان ربنا يرضي عني لان رضي الام من رضا الرب ...

امي الحبيبه اسماء محفوظ (لجزء الاول )..

امي كل الناس ليها ام واحده لكن انا الحمد لله ربنا انعم ليا ب3 امهات امي وعمتي والثالثه هي اسماء محفوظ ..
اسماء محفوظ الناس كلها عرفها لكن محدش يعرف اسماء محفوظ من جوا الا عدد قليل لا يتعدي اصابع اليد الواحده وانا الحمد لله من الناس ده بصفتي ابنها ناس كتير بتستغرب من الموضوع وفيه ناس مش بتصدق وناس بتكون فرحانه بالموضوع ..
مش عارف الموضوع ده جيه ازاي بس اللي انا عارفه ان مره واحده لقيتها بتقولي انتي ابني ولقيت نفسي بقولها يا امي ازاي مش عارف السبب بس اللي انا عارفه انها جوها حنان امومه لا ينتهي حسيت بخوفها عليا وحسيت بمومتها عليا حسيت نفس اللي بحسه من اتجاه امي انا مش عارف اتكتب ايه ولا اقول ايه لكن انا بشكر ربنا انه اعطاني نعمه كبيره اوووووووووووي اسمها اسماء محفوظ ..
اسماء ليها مواقف كتير الناس مش عارفها وكمان ليا مواقف معاها منها الحزين ومنها الكوميدي ..
انا فاكر مره اتخانق معاها خناقه كبيره اوووي وزعلنا مع بعض ساعتها قعدت طول الليل بعيط ومش عارف انام ولما هي صحيت لقيتها بتتصل بيا وبتزعقلي وبتقولي ربنا مش قالي ولا تقل لهم اف ولا تنهرهما اول لما قلتلي كده عنيا دمعت وبقلبي فرح وبعد لما قفلت معاها قعدت اعيط مع نفسي من الفرح ..
الحمد لله لم يمر اكتر من يوم واحنا زعلنين من بعض وفي اوقات كتير بيكون ساعات وكل مره هي اللي بتتصل وبتكلمني بقلب الام ومره اتصلت بيا واحنا زعلنين بعدها بساعه وقبلها جالي تليفون من حد بيقولي مالك فيكي ايه وزعلان قولتله اسماء قالتلك كلمني قالي اه وعلي فكره هي زعلانه اوووي بسببك وبعدها قفلت معاه لقيتها بتتصل بيا بتعزقلي اوووي بتقولي احنا كل يوم نتخانق وانت عاوز تتربي من اول وجديد علشان انا معرفتش اربيك ساعتها حسيت بامي وهي بتزعق ليا علي حاجه غلط ..
اول لما حبيت جريت عليها وقولت ليها انا بحب واحده واسمها كذا قالتلي لازم اكلمها وكلمتها وبقوا صحاب وهي كمان لما حبت كنت اول واحد عارف وفرحت جدا جدا بس حسيت بالخوف من انها تضيع وملقهاش جنبي ولما حسيبت كده قالتلي يا عبيط في حد يقدر يستغني عن ابنه انا عمري ما هبعد عنك ...
اسماء محفوظ انسانه لا تتكرر في هذا الزمن ليس لما مثيل ابدا بحبها اووووووووووي اكتر من نفسي وبكون فرحان اوووي لما اكون معاها بحب جدا امشي معاها واتكلم معاها بحس اني ابنها اللي بحميها بخاف عليها من اي حاجه بخاف انها تزعل بخاف انها تزعل مني قبلها ابيض لو قاعد من هنا للسنه اللي جيه علشان اتكلم عنها عمري ما هديها حقها ..
عمري ما هنسي وقفتها جنبي في حاجات كتير لو محتاج فلوس او محتاج اتكلم معاها عمرها ما خلتني احسن اني لوحدي خالص عمرها ما شفتني تعبان او مخنوق ومتكلمتش معايا ..
عمري ما هنسي خوفها عليا لما بكون محبوس اكتر واحده بكون شايل هما لما اتمسك بقول لنفسي ربنا يستر عليها لما تعرف مكالمتها ليا بعض لما بخرج بحس في صوتها الخوف عليا والقلق ...
الحاجه الغريبه ان في ناس بتقول اني بحب اسماء وعاوز ارتبط بيها طيب ازاي وانا اساسا لما ارتبط اول واحده كانت عارفه ده غير فرق السن اللي بينا ده غير انا كنت موافق علي كذا عريس اتقدم ليها وهي كانت رافضه ....والله هبل وخلاص ..
عمري ما هنسي اللي عملته معايا يوم وفاه حسام ووقفتها جنبي وكمان لما خرجت من 6 ابريل وكل مره اتحسبت فيها ..
والله العظيم اقسم بالله لو طلبت مني عمري كله فدها ومش هيغلي عليها المهم اني اشوفها مبسوطه ...
ابتسامتها اغلي حاجه عندي في الدنيا ..انها تكون سعيده بتخلي الدنيا كلها حلوه ...ضحكتها بتخلي الدنيا كلها تضحك ودمعتها بتقطعني بحس اني بموت لما اسمع صوتها في التليفون وهي بتعيط او لو معاها وعيط ..
نفسي اقبل يدها التي مسحت دموعي التي طبطت عليا وانا مخنوق وتعبان ..
اقبل قدمها لان الجنه تحت اقدام الامهات قدمها التي تسير كثير لتكون معي .
اقبل راسها تعظيما لمكانتها الكبيره في قلبي ومكانتها عند الله لانها امي ومكانه الام كبيره عند الله .
بكون فرحان اوووي لما تعرف الناس اني ابنها ثقتها فيها كبيره جدا حبها ليا ملهوش حدود ولا ليه نهايه .
انتي بجد احن ام انا بحبك اوووي وبتوحشنيني في اللحظه اللي مش بكون معاكي فيها ..
امي الحبيبه لو دفعت بعمري لسعادتك سيكون جزء صغير من واجبي اتجاهك ..
رجائي من الله ان لا يفرقنا ابدا ..وانتي وعدتيني انك لما تتجوزي مش هتبعدي عني خالص..
انا مش عاوز اخوات تاني يقسموا معايا حنانك وعطفك وحبك لاني بغير جدا جدا وانتي عارفه كفايه عليكي انا ..
ربنا يخليكي يا امي ويسعدك وتكوني احسن انسانه في الدنيا وتكوني جنبي علي طول
(( يا رب انته اعطيتي هذه الانسانه لكي تسعد حياتي اذا كتبيت علينا الفراق فلا تبقيني في هذه الحياه وحيدا من غيرها لانه نوري في هذه الدنيا الظالمه ))...

انــــا لســت عــاقــــــــــــا لأمـي

من يقرأ هذا العنوان يعتقد دون ان يقرأ باقي الكلام ان هذه التدوينه عن امي التي طالما ت في حقها
او ممكن ان يكون هذا الشخص ذو خيال واسع وان يتخيل انها لمصر ولكن المقصود بالام هنا ليست امي التي ولدتني وربتني ولا ايضا مصر التي عشقت تربها ونيلها وسمائها وانما امي هنا شئ لا يقل اهميه وحب عن الاثنان الاخرين انها (( حركه شباب 6 ابريل )) البعض قد يقول اني مجنون او يقول ماذا يكتب هذا السفيه ولكن عليه اولا ان يقرأ ما اكتب ثم يحدد ان كنت مجنونا او سفيها ام اني شخس عاقل يخرج ما بداخله من حب اتجاه امه ..
حركه شباب 6 ابريل هي المكان الذي ولدت سياسيا بداخله وتربيت بداخل هذه الحركه تعلم كثيرا وانا بداخلها وعرفت اشياء كثيره لا اعلمها من قبل تعلمت منها معني كلمه سياسيه تعلمت كلمت نضال رايت شخصا وقابلت اشخصا لم احلم في حياتي بان اقابلهم كنت فقط اتمتع بروئتهم داخل ششه التلفاز ..
6 ابريل هي من جعلت من هذا الشخص الموجود حاليا هذا الشخص الذي يعرفه اغلب السياسيين في مصر ويحترمه بعضهم هي من زودتني قوه وحبا لهذه البلاد الجميله التي احببتها وعشقتها اكثر من اول يوم داخل الحركه فهي من ساعدتي للنزول للشارع والاحتكاك بالناس البسطاء ومساعدتهم في حل مشاكهم ومعرفت حجم هذه المشاكل ...
لن اتغازل اكثر في ذلك في ها الكيان مهما كانت مكانته وحجمه داخلنا او داخل الشعب او داخل النظام نفسه ولكن اليوم ومنذ فتره ليست بكبيره ولا صغيره واصبحت متهما باني عاقا لامي واصبحت هذه الاتهامات من داخل الحركه ومن خارجها ولكن اريد ان اعلم كيف اكون عاقا لامي والله سوف يحاسبني علي ذلك ؟؟
وكيف انكر الجميل الذي احمله علي عاتقي من اتجاه هذه الحركه في انها كانت السبب في ولادتي سياسيا ونشأتي وانا لست عاقا لامي ولن اكون عاقا ليها ابدا ...
كل يوم تولد حركه جديده ولن عندما قررت النزول للشارع لم اجد سوي هذا المكان الذي سوف احقق طموحي بداخلها للوصول الي التغيير المطلوب لهذه البلد وبعدها ولدت حركاتت سياسيه ممكن ان تكون اكثر تنظيما واكثر عملا منها وهذا يكون اعتقاد بعض الناس وليس اعتقادي الشخصي ولكن اريد ان اقولها ان لست عاقا لامي ...
سوف اعمل مع كل الحركات السياسيه في مصر وسوف اكون متواجد في الشارع بجوار اي انسان محتاج للمساعده مني مهما كانت كبيره او صغيره سوف اعطي ما تعلمت داخل الحركه وما علمتني اياه لكل من يريد معرفته وايضا سوف استمر في التعلم داخلها وخارجها لاكون اكثر خبره واكثر معرفه بكل شئ ....
الان وضحت الرؤيه لجميع الناس واسف جدا للاطاله ولكن كنت اريد ان ارد علي من يزايد علي شخصي وعلي كل من يفكر بطريقه مختلقه او اريد ان يعلم شئ واحد ...
انــــا لســت عــاقــــــــــــا لامـي

علاقه الاهلي بالفالنتين ..

اكتشاف عظيم جدا ...

عتبر عيد الحب (فالنتاين) من أعياد الرومان الوثنيين، إذ كانت الوثنية سائدة عند الرومان قبل ما يزيد على سبعة عشر قرنا. وهو تعبير في المفهوم الوثني الروماني عن الحب الإلهي. ولهذا العيد الوثني أساطير استمرت عند الرومان، وعند ورثتهم من النصارى.

جاء في الموسوعات عن هذا اليوم أن الرومان كانوا يحتفلون بعيد يدعى (لوبركيليا) في 15 فبراير من كل عام، وفيه عادات وطقوس وثنية؛ حيث كانوا يقدمون القرابين لآلهتهم المزعومة، كي تحمي مراعيهم من الذئاب، وكان هذا اليوم يوافق عندهم عطلة الربيع؛ حيث كان حسابهم للشهور يختلف عن الحساب الموجود حالياً، ولكن حدث ما غير هذا اليوم ليصبح عندهم 14 فبراير في روما في القرن الثالث الميلادي.

وفي تلك الآونة كان الدين النصراني في بداية نشأته، حينها كان يحكم الإمبراطورية الرومانية الإمبراطور كلايديس الثاني، الذي حرم الزواج على الجنود حتى لا يشغلهم عن خوض الحروب، لكن القديس (فالنتاين) تصدى لهذا الحكم، وكان يتم عقود الزواج سراً، ولكن سرعان ما افتضح أمره وحكم عليه بالإعدام، وفي سجنه وقع في حب ابنة السجان ، وكان هذا سراً حيث يحرم على القساوسة والرهبان في شريعة النصارى الزواج وتكوين العلاقات العاطفية، وإنما شفع له لدى النصارى ثباته على النصرانية حيث عرض عليه الإمبراطور أن يعفو عنه على أن يترك النصرانية ليعبد آلهة الرومان ويكون لديه من المقربين ويجعله صهراً له، إلا أن (فالنتاين) رفض هذا العرض وآثر النصرانية فنفذ فيه حكم الإعدام يوم 14 فبراير عام 270 ميلادي ليلة 15 فبراير عيد (لوبركيليا) ، ومن يومها أطلق عليه لقب "قديس".

وبعد سنين عندما انتشرت النصرانية في أوربا وأصبح لها السيادة تغيرت عطلة الربيع، وأصبح العيد في 14 فبراير اسمه عيد القديس (فالنتاين) إحياء لذكراه؛ لأنه فدى النصرانية بروحه وقام برعاية المحبين، وأصبح من طقوس ذلك اليوم تبادل الورود الحمراء وبطاقات بها صور (كيوبيد) الممثل بطفل له جناحان يحمل قوساً ونشاباً، وهو إله الحب لدى الرومان كانوا يعبدونه من دون الله!!وقد جاءت روايات مختلفة عن هذا اليوم وذاك الرجل، ولكنها كلها تدور حول هذه المعاني.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كل ده مش مهم اوووووي نيجي بقي للاكتشاف العظيم بتاعي ......

بعد سنين من البحث في المعامل واعتكاف في المعامل ودراسه الابحاث العمليه والابيدلوجيه وسيكولوجيه وبقيت عامل زي العفريت وشعري كبر اووووي وبقيت عامل زي موتا وكمان دقني كبرت ((علي فكره اللي انتوا منتوا بتشوفوه جه مش انا ده كان العفريت بتاعي وانا محضره علشان يقبلكم ))مش عالم بقي وحوارت من ده .....
المهم اكشتفت اكتشاف عظيم جدا جدا ...
اول حاجه عاوزين نسال نفسنا سوال :_
ليه الناس بتحتفل بعيد الحب باللون الاحمر ؟؟؟
وسؤال ده كان نقطه التحول في حياتي العمليه والعلميه ....
اكتشفت ان القديس فالنتاين كان (((((اهلاوووووووي )))) والدليل علي كده ان مصر كلها بتحتفل بعيد الحب وهي لبسه احمر والهدايه كمان حمرا واللون الاحمر هو اللون الرسمي للنادي العظيم وجماهيره العظيمه ....

وده دليل ان النادي الاهلي نادي عظيم جدا جدا وكمان قديم جدا وليس كما يقال انه انشء عام 1907 بل انه انشأء من ايام الرومان ودليل علي غظمه هذا النادي ان الرومان احتفوا بعيد الحب واخدوا من اللون الاحمر لون عيد الحب وهذا اكتشاف تاني ان الرومان كان اهلاويه ..
والاكتشاف التالت بقي ان الناس كلها بالفطره اهلاويه بدليل انهم بيختفلوا بعيد الحب وهما لبسين احمر وكمان بيجيبوا هدايا حمرا ..

احتمالات كبيره جدا اني ااخد جايزه نوفل في الاكتشاف العظيم ده بس انا رافض انا قضيت نص عمري علشان اكتشف الاكتشاف ده وكفايه عليا ان البشريه كلها تستفاد من الاكتشاف ده ويعرفوا قيمه النادي الاهلي العظييمه .....

شكرا جدا جدا

قدمها ايكم الاكتشاف
البروفسير سوكـــــا

متبصليش

قصيده من ابداع الرفيق موتا


متبصليش

من فضلك متبصلييش

انا اصلى دلوقتى محبط

كنت زمان شاب معجب

بكام نظرية على كام فكرة

كان بالنسبالى جيفارااا...نبى

والحرية اله

والثورة لازم لونها أحمر....والنصر يتلاااه

بس زى مانتا شايفنى دلوقتى

دقنى طويلة وشعرى أكرد

كافر ملحد...بالحرية

وشايف قدامى المستقبل اسود

على فكرة...........انا مكنتش كده

كان شعرى ناعم

ولبسى نضيف

ونضارتى الشمس أصلى يا خفيف

وكنت بحلق دقنى من قبل ماتتطلع

وشعرى لمه وعمله رستااااااا

كنت م الاخر شااب جامد

كنت مؤمن وايمانى ثاااابت

كنت حالف لجيب تغيير

كنت واثق فكل شباب الجيل

بس زى ماقولتلك

كفرت

ايوا انااااا كافر...........متشتمش

طب انا ممكن أسألك

ليه انتا مؤمن وانا كافر

وبأيه ايمانك؟ طب ايه اساسه؟

وعندك خطة للتغيير ؟؟؟؟؟ ولا عشوائى!!!!!!ز

متتعصبش عليا كده

تعرف

انا مؤمن بيك اكتر م التغيير

وبحيى النظام وبحيى التدمير

وبحيى اللى زرع الهمجية فينااا

وبحيى الامن اللى مزروع وسطيناااا

عارف لييه؟؟؟؟ علشان فهمنا

عرف ان احنا بتوع كلام

كام هتاف على كام علم

على كام عسكرى امن مركزى

على كام عربية ترحيلات

على كام قلم على وشك

ترجع مناضل

اسمك يعلى فى السوق

ويطلبوك بالاسم فى الوقفات

تهتف تزعق !!!!

ترفعلك كام علم

وتدى كام تصريح فى الجرايد

وتنبسط

ترجع تغنى للبلد((((اه يا ولد

يابن الاااايه بقيت مناضل!!!!بأمارة ايه

القضية هيا هيا

والبلد متغيرتش

لا الحمار بطل ينهق

ولا الكلاب متكلبنتش

متزعلش منى يابن بلدى

ما انا قولتلك

متبصلييش

انا قولتلك بلاش اناااا

يعنى لازم تبص

أوعى تاخد على خاطرك منى

انا بس الحظ مسعدنيش

بكرة الحظ فيوم هيساعدك

بكرة اكيد هيكون تغيير

بكرة الحظ فيوم هيساعدك

بس اوعدننننننى

متنسانيش

ولا تغلطشى نفس الغلطة

وعيش نضالك زى القطة

بسبع ترواح

لافيوم تسيب دقنك

ولا تطول يوم شعرك

وخلىالشال دايما على كتفك

واستعد دايما للتغيير

بس نصيحة

ان شفتنى فى الشارع ماشى

وسايب دقنى

ياريت ياريت

متبصليييش

لا تفعل

سمعت انك تعتزم الرحيل عنا....لا تفعل.

ترغب في صديق أخر ومكان أخر....لا تفعل.

أنت ماذا تفعل في هذه العوالم يا غريب تقصد أي شخص قلبه مجروح....لا تفعل.

لا تسرقنا من أنفسنا لا تذهب إلي هذه العوالم تحدق بناظريك لمن سرقوا ....لا تفعل.

نعم لقد تشوه القمر وتبدد من أجلك انك تبعثرنا انك تشتتنا....لا تفعل.

نعم أيها الشخص يا ذو المقام العالي والصغير أنت..أنت تترك من هو بانتظارك....لا تفعل.

أذا أنت أزحت بوجهك عنا سيسود القمر من الحزن تتقصد إن تحزن القمر ....لا تفعل.

إذا كنت ستهزم فنحن أيضا سنهزم انك تبكينا وتقهرنا....لا تفعل.

إذا كنت لا تستطيع مقاومه العشاق إذا لما رغبتك بالعشق ....لا تفعل.

نعم يا ملاك الجنة والجحيم انته تحيل الجنة لنا إلي جحيم....لا تفعل.

السم داخل العسل لا يؤذينا فأنت أنت من يمزج السم بالعسل ....لا تفعل.

انك تفرحنا وتخسرنا الأمان انته تخرب الأماني تنهيها....لا تفعل.

عينيا التي ابتلتا بالحرام تسرقان جمالك اجل أيها اللص الظريف انك تسرقني....لا تفعل.

انتفض يا صديقي انتفض وقول ما تريد ما لك وسكرت الحب....لا تفعل.

قصيده من المسلسل التركي (صرخه حجر )..

اين انت يا صديقي ؟؟

ماذا لا أجدك عندما أحتاج إليك ؟؟

لماذا أفتقدك عندما أكون في أمس الحاجة إليك ؟؟

لماذا لم تمسح دمعتي ؟؟

لماذا لم تأنس وحدتي ؟؟

لماذا لم تخفف عني ألمي ؟؟

لماذا لم تشاركني في فرحتي و حزني ؟؟

لماذا تزيد جراحي و أنت تعلم ما بي من الجراح ؟؟

هل تستمتع عندما ترى تلك الجراح ؟؟

لماذا تعاهدني و تخلف العهد ؟؟

لماذا يكون لك في كل يوم عهد ؟؟

ألم تقل لي أنني صديقك ؟؟

فلماذا لم أشعر بصداقتك ؟؟

أين أنت عندما أحتاجك ؟؟

هل تسمعني حين أناديك ؟؟

إن لم تعلم بعد فكلماتي ليست كالكلمات !!

كلماتي ليس لها صدى !!

هل تشعر بها حين تأتيك ؟؟

لماذا تصر أن تخفي عني كل أسرارك ؟؟

و تريد من حياتي أن تكون كتاباً أمامك ؟؟

تتظاهر أمامي بالأحزان

لأنك تعلم أن أحزانك تحزنني

تتظاهر أمامي بالمرض

لأنك تعلم أن مرضك يمرضني

تتظاهر أمامي بالتعب

لأنك تعلم أن تعبك يتعبني

هل علمت في يوم أنني إنسان ؟؟

قد عانيتُ من طعم الحرمان

و ظننت أنك سوف تكون مصدراً للحنان ..

فخذلتني و كنت لي مجرد إنسان

لم أعرف معه سوا زيادة الحرمان و الأحزان..

هل تعلم أنني بدأت أشك في أنك إنسان

يا ترى هل أنت موجود ؟؟؟

هل تسمعني ؟؟؟

هل أنت إنسان ؟؟؟

وجاء الحب

بقلم اختي الحبيبه : صفاء مدحت


وجاء الحب ليطلق تللك الكلمه التى كانت بقلبى



وجاء الحب ليهمس ف اذنى بكلمات المحبيين واجده يخدر عقلى



وجاء الحب ليثبت لى انه لامفر من تللك الحياه ولابد ان تكون بكونى



وجاء الحب لتسهر عينى ليخفق قلبى وليكتب قلمى



وجاء الحب لاستمع لتلك الاغانى الرومانسيه التى تجعلنى ملكة ف حدوته خياليه



وجاء الحب ليجعلنى تلك المنتظره ليرن هاتفى لتبدا تلك المحادثه الصوتيه



وجاء الحب ليجعلنى لااريد ان اغلق تللك المحادثه واحولها الى محادثه لا نهائيه



وجاء الحب لاجد نفسى تشتاق تبحث وتحلم بذلك الفارس الذى اسرنى بحبه



وجاء الحب لاجد نفسى بدون لسان امامه صماء ولكنى لا اسمع سوى كلامه عمياءولكنى لا ارى سوى عيناه



وجاء الحب ليتحدث عنى الناس يتسالون ماذا حدث بها اجنت ام فقدت عقلها



وجاء الحب المنتظر طول السنين ليحدثنى ويعلمنى معنى الحنين



وجاء الحب جاء الحب فماذا هو الحب ايها المحبيين ؟؟؟؟؟؟؟؟؟؟؟

التواءم الملتصق (الحب والجرح)

بقلم صديقتي العزيزه واختي الحبيبه صفاء مدحت ..
بجد بتعبر عن اللي جوايا كنت عرضتها زمان بس فعلا بتقول حاجات كتير جوايا

هل الجرح بيمحى الحب ام الحب هو الذى بيمحى الجرح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياترى حد سأل نفسه السؤال ده السؤال ده بيفكرنى بلعبه ياترى مين جه الاول البيضه ولا الفرخه وبردك محدش عارف الاجابه ياترى مين الى بيمحى التانى الحب ولاالجرح ولا الاتنين حاجه واحده عشان تحب لازم تجرح وعشان تمحى الجرح يبقى لازم تحب تانى معادله صعبه محدش عارف لها حل بس عارفين المشكله ان الحب ممكن يتنسى اما الجرح لا وبالذات الجرح الى بيجى من اقرب الناس ليك مش لازم حبيب ممكن صديق ممكن اخ ممكن انسان عادى انت اعتبرته مش عادى بالنسبالك طب ياترى كم مرة انجرحت وبعد ما اتجرحت سامحت ورجعت اتجرحت تانى وبردك سامحت ياترى دى طيبه مننا ولا محدش يزعل منى (هبل ) انا عارفه ان ف ناس كتير بتوصف الطيبه بالهبل بصراحه عندهم حق بجد الانسان الطيب لازم يجرح لازم يضحى لازم يدى وميخدشى لازم يسمع وميتسمعشى لازم يشوف ومحدش شايفه احنا عيبنا اننا بننسى الطيب وبنفتكر الاسى يعنى ديما نفتكر الانسان الى جرحك ومش الى انت جرحته عارفين ليه عشان بردك الطيبه (هبل ) معلشى استحملونى طب نزودها شويه طب ايه الحل لوجه الجرح من اعز الناس عندك ناس هتقول الحبيب وناس هتقول الصديق طب تعالى نحطهم ف شخص واحد يعنى صديق وحبيب واخ وتؤم روح وحاجات كتير ده كله ف شخص واحد ياترى بقى هيبقى جرح واحد ولا كتير صعبه دى صح حاول تحسها كده فكر فيها بجد هتبكى طب نزودها شويه جرحك وسامحته مرة واتنين وعشرة ومصمم يجرحك وانت بتحاول متخسروش عشان انت طيب او نقول اللقب الجديد (اهبل ) تخيل انسان بيدبحك كل يوم اكتر من مرة وانت دمعه عنيه متهونشى عليك صعبه بجد طب سؤال ليه الى بييجرح بيجرح والمشكله انه بيبقى نفس الجرح او نفس نوع الجرح اه اصل الجرح انواع ف جرح بيطيب وجرح بيزول لدرجه انك مبتفتكرشى انك اتجرحت وف جرح بيوجع حبه بس الجرح الصعب الى بيعلم ف القلب وملوش علاج عارفين مين الى بيحس بالجرح ده القلب الطيب البرئ الابيض بجد جرحه صعب قوى ياريت يا جماعه لو حد فينا قابل قلب طيب ميجرحوش حافظ عليه لا نه نادر قووى عامل زى الؤلؤة ف المحار ف البحر صعب تلاقيها وغاليه قوى فلازم تخاف عليها من الخدش مش الجرح بجد الموضوع ده من اصعب ما يمكن بالذات الجرح الى ف القلب ف جروح تانيه ف جرح الوطن جرح الحياه بس جرحنا انهارده سببه الحب الحب الى المفروض انه اجمل حاجه ف الدنيا تخيل لو انت ماشى ف جنيه من اجمل الجناين ف الدنيا وفجاه وقعت ف حفرة وهدومك اتبهدلت بتبقى صعبه قوى الحب كده طبعا مش الحب كله بس معظمه او الاكتريه منه بدايته حلوة احاسيس مشاعر وفجاه يظهر الجرح لازم يظهر عشان هو والحب كيان واحد تواءم ملتصق مش معنى كلامى ان الحب وحش بس انا عايزة اعرف حاجه ليه بنجرح ليه بنبقى مبسوطين لو شفنا دموع ف عيون بريئه ليه انا مش عارفه بس الى انا عارفه انى بجد مخنوقه من كده عايزه نتغير عايزة نحب الحب مش ندور ازاى نجرح بجد صعبه قوى واصعب ع القلب الطيب وملهاش حل غير اننا نحافظ ع حبنا لبعض طبعا الحب الصح الى ف النور ياريت تفكر قبل ماتجرح قبل ماتدبح ومع ذلك بقولك وبقول لنفسى
لو ف حد جرحك او ظلمك لو خانك سامحه عارفين ليه لاننا مش ملايكه اكيد هنجرح او هنخون او هنظلم ساعتها هنلاقى الى يسامحنا .

القافله 6 ابريل وافاق يعوي

مع احترامي لكل الكيانات السياسيه الموجوده في مصر بس اليومين دول بقيت حاجه تقرف جدا جدا مش عارف في ايه بظبط الناس كلها بقيت مهمتها الاولي تحارب 6 ابريل يا ريت الناس ده امن ولا حزب وطني لا دول بيتحسبوا علي المعارضه انا بقي بقولهم انا 6 ابريل انتوا مين انتوا كنتوا فين يوم 6 ابريل 2010 و2009 و2008 كنتوا فين في قضيه خالد سعيد كنتوا فين لما الناس كانت بتموت في ميدان لاظوغلي وشبرا ولما اتعلمت مسيرات وسط البلد وشارع شريف كنتوا فين ايام دومه وايام طارق خضر وفين وفين وفين ولو فضلت احسابكم مش هخلص انتوا عمركم كام سنه و6ابريل عمرها كما سنه خلاص انتوا كبرتوا وبقيتوا عاجزين ومش فاضيين غير لحرب وسخه وبس مش فاضيين غير للتنظير والهبل والعبط والكلام الفارغ بتقولوا انكم شويعيين فين بقي مبادئ الشيوعيه اللي انتوا بتادوا بيها ...
نفسي اعرف ايه تاريخكم في الشارع ايه القضيه اللي انتوا بتشتغلوا عليها ايه اللي بتعملوا في حياتكم غير طبعا الشتيمه وقله الادب وطبعا استقطاب الشباب ...
تاريخ 6 ابريل معروف ليكم ومعروف للعالم كله ومعروف للناس كلها لو حابين تعرفوه ممكن اقولكم ايه اللي احنا عملناه وايه اللي حضراتكم عملتوه ...
كلامي كلهه موجهه للمجموعه اللي خرجت من مركز افاق كل همهم انهم يحابوا 6 ابريل ويتهموهم بالعماله والكلام الاهبل ده ..
كلمه موجه لكام شخص منهم :
زياد حمدي
انت بتقول ان 6 ابريل 12 فرض ايون احنا 12 فرض فعلا بس تقدر تقول قوه 12 فرض دول ايه تعرف عملوا ايه ممكن ترجع بالزمن ل6 ابريل 2010 وتعرف 12 اللي انت بتتريق عليهم عملوا ايه وتقدر تراجع المظاهرات المفاجاه في الاحياء الشعبيه والمظاهره العلنيه اللي نظمتها 6 ابريل ان كانت لوحدها او معاها مجموعه تانيه زي (العداله والحريه ) يا راجل عيب عليك لما نكون احنا 12 فرض وانتوا اكتر مننا وانتوا قاعدين علي المكاتب تتفرجوا واحنا اللي شاغلين وبس ...انا بعتبر مركز افاق ده مجرد دار للمسنين اللي زيكم ..
مها الخضراوي
اتهامك ل6 ابريل بانها بتاخد تمويل وانها بتتعامل مع منظمات مشبوهه ده مجرد كلام اهبل خارج من انسانه تفكيرها علي قدها مجرد انسانه ماشيه علي مبدا خالف تعرف فاكره نفسها انها لما تحارب 6 ابريل الناس هتصقف ليها او ممكن نقول انها انسانه بتتحرك بريموت كنترول ومش عارف مين بقي اللي بيحركها ...
يا ريت تخليكي في نفسك وبلاش كلام الستات الفاضيه ده ويا ريت تدوري بس علي المكان اللي انتي شغاله فيه بياخد تمويل من فين وبيتعامل مع مين ..
في اشخاص تانيه بصراحه انا اكبر من اني اتكلم عليهم زي عصام محمد وكام حد تاني هو عارف نفسه ..
احنا ممكن نقعد نعمل مقارنه بينكم وبين 6 ابريل مقارنه بينكم كاشخاص وبين شباب في الحركه عمرهم السياسي لا يتعادي الشهور ونشوف هما عملوا ايه علشان القضيه وانتوا عملتوا ايه ...
توضيح هام جدا
كل الاحترام والتقدير للحركات السياسيه الموجوده في مصر وبالخصوص حركه العداله والحريه وكلامي كله موجهه لدار المسنين افاق والمجموعه الصغيره بتاعته وكل احترامي للشيوعيين اللي في اي مكان في مصر وبالاخص مجموعه الاشتراكيين الثوريين اللي انا سعيد الحظ ان كل اصدقائي منها وناس بحب وبحترمهم علشان هما بيشتغلوا بجد وعلشان القضيه مش علشان التنظير وبس ...

يا ريت بقي كل واحد يلم نفسه ويخليه في بلوته ويبعد عن 6 ابريل وعن الناس اللي شغاله فيها ..
المره ده نوت هادي جدا المره اللي جايه هيكون ردي صعب اوووي عليهم وبجد هيكون بفضايح وحاجات انا مش عاوز انشرها وهكون محترم وساكت ..

هل سوف نحاسب يوم القيامه علي ايدلوجياتنا ؟؟؟

انا عمري ما سمعت عن حاجه اسمها ايدلوجيه خالص في حياتي قبل لما ادخل مجال السياسيه ولا قريتها في جرنال ولا سمعتها في اي حتي ولا قريتها في القران وكانت بالنسبه ليا حاجه جديده وكلمه جديده ...

ليبراليه – علمانيه –شيوعيه – قومي – اسلامي ..

طبعا فيه فرق كبير بين كل حاجه والتانيه وبتوصل ان صاحب ايدلوجيه من دول مي بيحب التاني علشان عااكسه تفتكروا كل ده وليه كل الايدلوجيات ده اللي هي من اختراع الانسان اللي هو زي زيك يعني اكيد فيه غلطات عنده لانه انسان يعني عمرنا ما سمعنا عن رسول ليبرالي او عن نبي شيوعي ليه سيبنا القضيه المهمه وبقينا بنفكر اكتر من ايدلوجيتنا ليه سبنا انتمائاتنا الاساسيه وسيبنا دينا مهما كان هو ايه وبنفكر في كل ده علي ما اعقتد ان مفيش حاجه اسمها ايدلوجيه في الانجيل ولا حتي التوراء ولا حتي لقران ...

ليه احنا سبنا دينا وبقينا بنغير علي الايدلوجيه بتعاتنا اكتر مننا بنغير علي دينا من الاهانه ومن اللي بيحصلنا واللي بيحصل لرسولنا الدين اللي هو من عند ربنا جي من فوق بقي هين عندنا اوووووي والايدلوجيه اللي هي من اختراع الانسان بقيت حاجه كبيره اوووي ..

انا مش ضد الايدلوجيات لكن بحمد ربنا اني مش بنتمي لاي ايدلوجيه علشان انا شيفها انها لا تلقي بيا لو بسيت علي الدين وعلي القران بتاعنا فيه كل الايدلوجيات ده بتقوله بس بشكل احسن واوضح وبشكل هيوصلنا للاحنا عاوزينه لكن للاسف احنا بنعد عن ده وبندور علي حاجه تانيه وبندور علي اللي يبعدنا عن الدين ويكون فيه اللي احنا عاوزينه وبمزاجنا ...

راي ان الايدلوجيه ده من اختراع الانسان ومهمتها الاولي هي ابعدنا عن الدين وتفكريبنا في الدنيا واننا نسي حاجه اسمها ربنا وحاجه اسمها دين مهما كان الدين ((اسلام – مسيحيه )) كل ايدلوجيه فيها حاجه عكس الدين او فيها حاجه تبعدنا عن الدين وده اللي انا لحظته في اكتر من ايدلوجيه ان كانت اليبراليه او الشيوعيه او حتي العلمانيه واكيد في حاجات تاني بس انا مش عارفه ...

انا مش ضد الايدلوجيه او بهجمها لكن لازم نهتم بحاجه اسمها دين والدين يتهان من حولينا وربنا الناس بتتكلم عليه وبقي الناس فخوره جدا بالحادها واهنتها لله وبقيت موضه دلوقتي اي حد يشتم ويهين واحنا نمين في العسل مش فاضين علشان الليبرالي قاعد بيظر مع الشيوعي والشيوعي مش عجبه كلام الاسلامي ....

فخور انني ملحد الايدلوجيه ...
فخور اكثر اني مسلم موحد بالله ...

هل فقدت المؤسسه العسكريه هيبتها ؟؟؟

كلنا عارفين ان المؤسسه خط احمر لا يمكن اننا نقرب منه علشان اللي بيقرب منه بيروح ورا الشمس وكل عارفين اللي بيحصل للي بيكتب عن المؤسسه العسكريه ..
لكن انا بقي فاض بيا من اللي بشوفه في البلد ده ومن اكبر مؤسسه موجود ومن المفروض انها اقوي مؤسسه كمان في البلد ده ...
العسكريه المصريه اين هي الان تعالي نقارنها شويه بزمان ونرجع بالزمن شويه لكام سنه ورا كده مش كتير اوووي المؤسسه والجيش المصري مهمته الاولي في هي حمايه البلد وتامينها من الخطر الخارجي عليها وكانت تتدخل في حل الازمات الصعبه داخل البلد كانت لها هيبتها ومكان لها مكانها في العالم ومركزها الرفيع امام المؤسسات العسكريه الاخري بدول العالم ..
اين هي الان ؟؟
هي اللي بتعمل العيش وهي اللي بتوزع الانبيب وكمان هي اللي بتعملنا الطرق ووكمان اللي اللي بتعمل الشواطئ وكمان الجزر اللي في النيل ....
المؤسسه العسكريه تحولت من مركز قوه وحمايه لهذه البلد تحول الي شركه مقاولات ..
بدل ان يعلم جنوده ما هي معاني الدفاع عن الارض والوطن يعمله كيف يخبز العيش وبدلا من وضعه علي الجبهه للدفاع عن مصر الان واقف في كشك عيش او بيوزع انبيب بدلا من وقفه علي احد الجبال لحمايه الحدود الان يعمل كعامل بناء بيرصفوا الطرق وبيعملوا الكباري والاستدات ....
فين هيبه المؤسسه العسكريه هيبه المؤسسه العسكريه راحت في ظل النظام الحاكم الموجود لازم المؤسسه العسكريه ترجع هيبتها ولازم يرجع الجيش اللي حارب اسرائبل وهزمها ومن قبلها قعد يناضل من اجل البلد ده من واجل بلاد تاني ...

هو انا ليه بحب مصر ؟؟

سالت نفسي السؤال ده لقيت جابات كتير اووووي توهت في حاجات كتير معقول السؤال ده صعب ااوي كده مش عارف بظبط لكن لازم القي اجابه مقنعه ولازم انت كمان تلاقي اجابه مقنعه لنفسك مهما كانت هي الاجاه بس لازم تكون مقنع بيها ...
بتحب مصر ليه ؟؟
علشان لقيت نفسك اتولدت فيها ...
علشان هي بلدك ولازم تحبها ..
ولا علشان هي اعظم واحلي بلد في الدنيا ..
بتحبها علشاان نيلها ولا علشان تربها ولا علشان ناسها ولا علشان ايه بظبط ..
بتحبها علي شهدائها ولا علشان شعبها الحنين الطيب ...
بتحبها ليه بظبط ..
اجابات كتير اوووي دماغي تاهت توهت في جمالها وجمال شعبها ونيلها توهت ..
مش واجب عليا اني ابحبها لكن فرض عليا مصر اعظم بلد في الدنيا شعبهاالطيب مصر اللي ربنا عظم ارضها وتربها وشهدائها ورجالها مصر اللي ذكرت في القران مصر اللي مات فيها ملايين الشهداء علي مر التاريخ علشان يحافظوا علي الارض ناس فضتها بدمها علشان يحافظوا عليها يبقي بقي محبهاش ....
مصر محتاج لكل ذره حب جويا محتاجه مني اني اتحرك واثبتلها اني بحبها طول عمرنا عارفيين ان الحب مش مجرد كلمه بنقولها وبس الحب افعال وحاجات كتير .
شوف انت بتحب مصرليه احسبها صح وانت هتقدر تعملها كل حاجه فكر بعقلك وقلبك وبكل حاجه جواك واسال نفسك ..هي البلد محتاجه اني اضحي علشانها ؟؟
انا سالت نفسي وعرفت واخترت اني هضحي بكل حاجه علشانها وعلشان اهلها الطيبين اسال نفسك بسرعه قبل لما تندم انك مش عملت اي حاجه للبلد ده ..
انا بقي عرفت انا بحب مصر ليه ....انت عرفت ؟؟؟

طالب كليه شرطه برتبه لواء

بلاحظ كتير ان طلبه كليه الشرطه عايشين في الدور جامد جدا علي اساس انهم لوائات في الشرطه ((ده لو كان اساسا اللوائات دون محترمين يعني ))
الواد منهم يدخل كليه الشرطه ولسه عنده 17 او 18 سنه وبياخد المصروف من اهله وتلاقيهه بيتصرف تصرفات غريبه جدا عايش علي صاحبه الدور وبيتكلم معاهم بكبرياء وبيتعامل مع اهله علي اساسا انه اللي محدش زيه ولازم الناس كله تحترمه مع انه لسه عيل صغير بشخه والا بقي التعامله مع الناس في الشارع يااه بتكون معامله زباله اوووي وماشي علي اساسا انه لواء شطره او وزير الداخليه ..
ولو معاه عريبه بقي علشان يروح يعمل الرخصه يتنك علي العساكر والامناء اللي هناكومش عاوز يختبر اخبارات القياده ظابط بقي هتيزل يسوق ويمتحن زيه زي اي احد ليه يعني ولو دخل علي كمين ومش معاه رخصه يعدي علي طول ومحدش يكلمه وكمان تلاقي العربيه بتاعته مخالفه فاميه بقي ولازم يحط النصر علي الازارز من ورا وكمان شويه كلام بقي علشان الناس تعرف انه ظابط شرطه لو انسان بقي محترم عادي جدا ياخد مخالفه وغير الشتيمه اللي بيخدها ببلاش فوق البيعه ..

حاجه مستفزه جدا يكون لسه طالب وتحس انه لوء ليه هبته ومركزه ..
وتسال بيعمل كده ليه متلقيش غير رد واحد ...
يا فرعون ايه فرعنك ملقتش حد يلمني ..
فساد جهاز الشرطه والداخليه يكون السبب الرئيسي في المصيبه ده اللي بيعمل كده في الطلبه انهم اله علي الارض ((ولله الملك واحده )) محدش يقدر يجي جنبهم ليــه متعرفش في ايه متعرفش كلنا بشر الفرقفي كل ده الاحلام والامكانيات الماديه علشان طبعا كلنا عارفين دخول كليه الشرطه بالفلوس والوسطه وبيكونوا هما السبب الرئيسي يعني اي معفن لو معاه قشين يدخلوا كليه الشرطه ويدوس بقي علي الناس وهو اساسا لسه معفن بشخه ...
**في اخر الكلام عاو اقول ان هيجي اليوم اللي هينضف جهاز الشرطه من القله المنحرفه اللي جواه القله البايظه وهتكون في شفافيه ونزاهه في اختيار اللي قد المسئوليه وقد كليه الشرطه ...
وبطالب بمحكامه كل من :
1- الوزير حبيب العادلي وزير الداخليه
2- اسماعيل الشاعر مدير امن القاهره
3- كل افراد وطاقم العمل داخل كليه الشرطه
4- محاكمه جميع المسئولين عن اختيارات الطلبه
5- محاكمه الطلبه نفسهم

من اقوال السادات ...

بقلم بسمه فؤاد


لا يحتاج شعبنا إلى توعية أو تعبئة، لأن شعبنا هو أبو التاريخ ومحرك التاريخ وصانع التاريخ.لا يمكن أن يكون هناك استقلال مع احتلال أراضينا، ولا يمكن أن يكون هناك إرادة مع التخلف.

أن البناء لم يشغلنا عن المعركة، ولا المعركة شغلتنا عن البناء، وفى الحقيقة فإن المعركة هى من أجل البناء، كما أن البناء هو من أجل المعركة.

أن أعلام الحرية لن تسقط على هذه الأرض العظيمة الطاهرة أبدا..أن أعلام الحضارة لن تتراجع..... أن أعلام التقدم لن تتوقف..... .. أقوى وأقوى بإذن الله، وأعلى وأعلى بإذن الله. أن التجربة العملية تقول أنه لا يستطيع أى قائد أو قيادة أن تقرر وتكون على ثقة من القرار مهما كانت الخطورة فيه إلا على اشتراط واحد وهو اليقين من إرادة الشعب.

هذا الشعب المصرى لم يعرف فى تاريخه النضال بالكلمات ولا مارسه فى يوم من الأيام، ، والدليل على ذلك ما قدمه هذا الشعب من عطاء حقيقى للمعركة وما سوف يقدمه من عطاء حقيقى للمعركة. أمانة المسلك هى أمانة الهدف .. ومسئولية الفكرة هى مسئولية العمل. وأى فصل بين الاثنين نوع من انفصام الشخصية.. لا يليق ولا يجوز، بل ولا هو يجدى.

إن الديمقراطية هي صوت وحركة الجماهير.. وبلا وصاية.

إن الاشتراكية هى طريق قوى الشعب العاملة، لم تعد تحتاج إلى من يسوقها عليه بالقسر.

أن الدولة أداة خدمة للمصلحة العامة، وليست سلطة عليها فوقها.


إن الإنسان هو الوطنتبدأ الديمقراطية عنده.. وتكون الاشتراكية لمصلحته، وتعمل الدولة لخدمته، ويصدر القرار للارتقاء بحياته يوما بعد يوم

.بالثقة فى الله سبحانه وتعالى وبالثقة فى النفس. بالثقة فى الصديق. بالثقة فى القريب. بالثقة فى الحق. بالثقة فى العدل. سوف نمضى. وسوف يكون الله سبحانه وتعالى هاديا لمسيرتنا وراعيا لها. بالثقة فى الله سبحانه وتعالى وبالثقة فى النفس. بالثقة فى الصديق. بالثقة فى القريب. بالثقة فى الحق. بالثقة فى العدل. سوف نمضى. وسوف يكون الله سبحانه وتعالى هاديا لمسيرتنا وراعيا لها.

نحن قوة من قوى السلام فى العالم.. والسلام نضال فى سبيل الحرية.. والسلام نضال ضد الاستعمار.. والسلام إيمان بحق تقرير المصير.. والسلام إحساس بالآمال المشتركة للشعوب

إن حرية الفكر حركة داخل الإنسان ولكن إذا خرجت الفكرة إلى العالم الخارجى،وتجاوزت مرحلة الاعتقاد إلى مرحلة إشراك الآخرين فيها كان عليها أن تلتزم الصدق والموضوعية ومبادئ المجتمع وقيمه.

التعاون من أجل الفهم والسلام يد مبسوطة بالمعرفة والحب الكبير الذى لا يعرف الكراهية والحقد ويتطلع إلى إخاء عالمى يربط الأرض بالسماء، والإنسان والعبادة بالسماحة، والكلمة الطيبة بالعمل الطيب، والشعوب المتقدمة بالشعوب النامية ومناطق الوفرة بمناطق الحاجة. لقد أثبت 6 أكتوبر للعالم مدى صلابة إرادتنا الوطنية وحرصنا على استقلال هذه الإرادة مهما كان الثمن.وأثبت أن خلود هذا الشعب ليس خلود الموتى ولكنه خلود الأحياء، القادرين على أن يجددوا أنفسهم على مر الزمان.

أن أقوى الأسلحة التى امتلكها الإنسان وسوف يظل لها دائما فاعليتها الحاسمة هى روح الصمود.

لقد آمنت وسوف أظل أؤمن أن كبريائي هو حقوق وطني وحقوق أمتي.

لم يتقاعد هذا الشعب أبدا فى تاريخه عن أمل ولا هرب من تحد ولا غابت منه عزائم الرجال تصنع تاريخا وتقتحم مستقبلا.

نحن اليوم نحتاج إلى الأصالة والى الفكر والعالم والعمل لكي نأخذ الأمل بأيدينا، ولكي نصنع به مستقبلنا ونساهم به في صنع مستقبل أمتنا العربية كلها ونحقق ونؤكد دورا عربيا لا غنى عنه ولا بديل عنه في تشكيل عالم جديد يقوم على الحق وينشد السلام العادل. ليست الآثار الباقية على أرض صعيد مصر مجرد أحجار صماء. ولكنها شواهد فكر خارق.. وشواهد عمل متقدم.. وشواهد علم دقيق.. كل ذلك يتوجه إيمان عميق بالدين وبالخلود.

اضربوا الحقد يا شعبنا لأنه أعدى أعدائنا اليوم ولا يتولد الحقد إلا فى النفوس المريضة الضعيفة.


أدعو أن يساعدنى الله سبحانه وتعالى على أن أقول دائما كلمة الحق فى وجه الأقوياء. وأن يساعدنى على ألا أقول الباطل لأكسب تصفيق الضعفاء


.أن مصر لتقدر النضال فى سبيل الحرية والاستقلال، وتعرف أقدار المناضلين والأحرار، لأنها طالما كافحت على امتداد التاريخ لاسترداد حريتها وصيانة عزتها.أن معدن مصر من معدن فلاحها المصرى.. معدننا لا يصدأ لأن أبعاده الحضارية تحميه دائما من الصدأ والتلف


أن اشتراكيتنا اشتراكية تمليك لا تجريد وأننا نطورها حسب واقعنا الخاص بنا وتراثنا الذى يميزنا


.وطننا من قديم هو وطن السماحة والإخاء وفى أبنائه هذا الحس العميق الذى يستطيعون به أن يميزوا بدقة بين جوهر الدين فى صفائه وبين التعصب فى جموحه وخطرة مهما تستر برداء الدين إسلاميا كان أو مسيحيا.

نعم الالتراس الاهلاوي فوق الحكومه والفرعون مبارك واكلابه ..

تعتبر نفسي عاشق للفانله الحمرا عاشق للنادي الاهلي وجمهور الاهلي ومعترف ايضا متعصب جدا للنادي ولجماهير النادي وعاشق للالتراس الاهلاوي لانهم هما فعلا عمود النادي ناس بضحي بكل حاجه علشان خاطر هدف معين مهما كنت مختلف معاهم في التضحيه ده او معاهم في اللي هما بيعملوه بس هما ورا النادي في كل مكان بيروحه …

جمهور الالتراس متعصب جدا للنادي الاهلي وبيعتبر ان النادي الاهلي كاسم فوق اي حاجه حتي لو كان الامن والحكومه المصريه كل فتره بتزيد ازمه بين الجماهير وبين الامن المصري كل فتره اشتباكات بينهم واعتدائات من قبل الامن في جماهير الالتراس ومش عارف ايه السبب الناس ده ولا ليها في السياسيه ولا ليها في اي حاجه غير انهم يشجعوا فرقتهم بجنون وبس لكن ازاي بقي الداخليه تشوف حد فرحان وتسكت ازاي يعني ما هي الداخليه ده موجود علشان تنكد علي اللي جبونا مش عارف يعني الكوره بضرهم في ايه بظبط مش عارف تشجيعي لفريقي بيحرقهم كدا ليهم ....

امبارح اتفاجت باللي عمله الامن مع جماهير الالتراس واتفاجت وفرحت جدا باللي عمله الالتراس مع الامن علشان فعلا لازم الامن يقف عند حده مع التعامل مع الجماهير ويعرفوا انهم مش ضعفاء والدليل امبارح اهو مش اقل من 8 اصابات ي صفوف الامن وده عمرها ما حصلت في المظاهرات في الفتره الاخيره كان اخرهم اصابه واحده وبالغلط كمان السعاده بامبارح كانت ماليه قلبي وانا بتفرج علي الصور اللي اترفعت علي النت ونزلت علي المواقع الاخباريه انا مش بحرض علي العنف وانا ضد العنف لكن لما العمليه تبقي كده يبقي لازم يبقي فيه واقفه في الموضوع ده انا بحي الالتراس علي اللي عملوه امبارح مع كلام الداخليه ومع كلاب مبارك ..


بس انا كان عندي تسال غريب وصغنون ...

هو اليه الامن بيصعد كده ضد الشباب وضد الشعب ؟؟؟

طيب احنا كا سياسيين بيستخدم العنف علشان احنا بنطالب باسقاط الحكم ومشكلتنا معاه ((رغم ده مش مبرر )) لكن جماهير الاهلي ليه بيستخدم معاهم جدا وعلي فكره مش جمهور الاهلي بس هو بيستخدم كده مع جمهور الالتراس لكل الانديه ..
سؤال منتظر اي كلب من كلاب الفرعون انه برد عليه ان كان عمو اسماعيل باشا الشاعر او حبيب العادلي اللي اسمه مش علي مسمي خاااااااالص ...
الي جماهير الالتراس الاهلاوي ...
اكملوا ما بداتم بيه عام 2007 انتوا اللاعب الاول بالنادي الاهلي انتم سند الفريق عليكم ان تساندوا فريقكم وان لا تنظرووا لما يفعله الامن بكم وردوا كما فعلتم به بمباره الاهلي وكفر الشيخ ...
ولكم كل تحياتي وعشقي لكم ولنادينا العظيم
وسيظل الاهلي فوق الجميع فوق الحكومه والنظام وفوق الفرعون مبارك وكلابه

واخير فجر مصر طلع ...

الف مبروك خروج فجر مصر مسعد ابو الفجر بجد انا مبسوط جدا بالخبر ده من فتره كبيره اوووي مفرحتش كده نسيت كل همومي وكل المشاكل اول لما قريت الخبر وكمان فرحت اكتر بعد لما كلمت حرمه لكن للاسف مش عرفت اكلم مسعد نفسه علشان مشغول عنده ناس كتير غير المكالمات اللي بتجيله كل شويه مصر كلها فرحانه انهادره علشان فجر مصر بقي حر الحمد لله علي خروج مسعد ومتنظرين منه ان يكمل الطريق اللي بداوا واحنا وراه كلنا ...

لماذا قتل السادات ؟؟؟ الحلقه الاولي

السؤال ده بقاله كتير جدا نفسي اعرف اجابته لحد لما قريت كتاب فيه كل الحقائق ورا قتل السادات ...

هؤلاء من قتلوا السادات ((انيس الدغيدي ))
ممكن تقولوا ان الراجل ده مش كاتب ومش بيعرف يكتب اساسا بس الراجل صرح اساله ومحدش جاوب عليها ..
السوال دلوقتي السادات اتقتل ليه ومين اللي ورا قتله ؟؟؟
الناس كلها عارفه ان السادات اللي قتله الاسلامبولي والناس اللي معاه علشان قيام الدوله الاسلاميه واعلان الثوره الاسلاميه زي ما حصل في ايران طي انا مع الكلام ده طيب ليه متقتلش برضو مبارك وابو غزاله وهما الاتنين كان قاعدين جنب السادات في المنصه وعل يحسب اعتراف القتله وكمان اعترفهم ان الاسلامبولي قالهم ابعدوا انتوا احنا عاوزين الفرعون طيب ازاي عاوزين الفرعون علشان يقتلوه مقتلوش النائب بتاعه وكمان مقتلوش وزير الدخليه علشان تقوم فعلا الثوره الاسلاميه زي ما هما عاوزين علشان يكون الجو فاضي ومتاح ان الثوره تقوم فعلا ...
يبقي هنا السوال ..لماذا لم يقتل مبارك واللواء ابو غزاله ولماذ تركهم القتله علي قيد الحياه ؟؟؟

من الاخر علشان منرغيش كتير مبارك وابو غزاله هما اللي ورا قتل السادات وطبعا بمساعده رجال كتير من رجال الدوله وده المعروف بدليل ان الباشا مبارك كرم كل اللي كانوا في المنصه ورقاهم واللي بقي وزير واللي بقي محافظ واللي بقي لواء يعني من الاخر كده هو اللي ورا قتل السادات ..

فيه مثلا بيقول ((اذا اكرمت الئيم تمرد ))
المثل ده فعلا بينطبق علي مبارك وكلابه اللي موجودين واللي ماتوا واللي كانوا ورا قتل السادات ..
دلوقتي فيه ادله كتير واساله كتير تدل علي ان الكلب اللي اسمه مبارك هو اللي ورا قتل السادات .
ليه بقي ميتمش فتح تحقيق في مقتل السادات ويتم معاقبه الفاعل اذا كان علي قيد الحياه طبعا فيه منهم كتير علي قيد الحياه وهو راس الافعه لسه عايش ومبرطع في خير السادات وعمال يسرق فيها ويقتل اهلها ..

صحيح يعني احنا زعلنين علي اللي بيحصلنا ليه ما اللي يخون ولي نعمته ممكن يعمل اي حاجه مبارك ده كان ايه اساسا قبل السادات مين اللي عمله يعني ايه سياسه يعني ايه حرب هو اللي عمله كل حاجه مبارك كان منوفي معفن السادات جابه نضفه وعينه عنده لحد لما بقي نائب ليه ((علي فكره السادات كان محضر ورقه فيها اعفاء مبارك من منصب النائب )) ...
انا نفسي الملف ده يتفتح تاني والاسئله اللي موجوده مبارك يجاوب عليها ..

تفتكروا ممكن مبارك يقف ادام القضاء للدافاع عن نفسه ؟؟؟
اسئله كتير جدا لو مبارك جاوب عنها بكل صراحه مكانه الوحيد هيكون عشماوي ..
ده اول حلقه في موضوع قتل السادات المره اللي جيه هنشر كل الاسئله اللي مرتبطه بقضه المنصه قضيه الخيانه العظمي ...

عادي جدا ...

عادي جدا اول لما تصحي من النوم وتنزل الشارع اول حاجه تشوفها جبل زباله ..

عادي جدا اول كلام تسمعه شتيمه وسب دين ...

عادي جدا وانت ماشي تلاقي ماصوره ميه مكسوره ومغرقه الدنيا ...

عادي جدا تروح الشغل في ساعه واساسا لو روحت ماشي هتروح في تلت ساعه ..

عادي جدا علشان تروح وسط البلد تلاقي الدنيا كلها زحمه وتاخد ساعه ونص في الطريق ولو فكرت تاخد مترو تموت من الزحمه والحر ...

عادي جدا لم اتحب تنزل مظاهره تاخد علقه سخنه وتتشتم ..

عادي جدا كل يوم تلاقي الاسعار بتزيد ومش عارف تجيب فلوس من فين ...

عادي جدا تلاقي كل شويه البايعين اللي في الشارع بتجري من البلديه ...

عادي جدا تلاقي امناء الشرطه بترخم علي الناس وتاخد منهم فلوس ...

عادي جدا ان تروح بليل وتلاقي كمين يفتشك ويبهدلك ...

عادي جدا تقري خبر الجرنال عن انجازات الحزب الوطني اللي نفسي اشوفلهم اي انجاز..يمكن انا اللي مش بشوف؟؟؟طيب الشعب كله مش بيشوف ...

عادي جدا انك تلاقي معارضه وحزب معارض بيشكر في مبارك وانجازته ...

عادي جدا تلاقي مفتي الجمهوريه بيقول فتوي ملهاش اي لازمه اساسا انها تتقال حتي لو صح ...

عادي جدا تلاقي التلفزيون قرفك بحاجات هبله جدا ..

عادي جدا انك تلاقي عيال صغيره نايمه في الشارع علي الرصيف...

عادي جدا تلاقي ست كبيره بتلم اكل من جبل الزباله علشان تاكل ولادها ...

عادي جدا البلاوي ده كلها تلاقيها طول ما انت ماشي في مصر ..

مش عارف الواحد ممكن يعيش ازاي من غير الحاجات ده الواحد اتعود عليها خلاص ممكن الواحد يموت لو محصلش كل ده في يومه الحكومه بتعاتنا مظبطنا علي الاخر بتعمل كل حاجه علشان تخلينا نبعد عن الساسيه واللي يفكر فيها بيحصل انه بيضرب والله الواحد مش عارف يقولهم ايه ؟؟؟


تفتكروا بقي ممكن اصحي من النوم ميكنش فيه العادي جدا ده ؟؟؟